|
|
 |
 |
10.02.2010 |
| Til hamingju, Helgi |
| Í dag voru Íslensku bókmenntaverðlaunin veitt á Bessastöðum í 21. sinn. Verðlaunin í flokki fræðirita hlaut Helgi Björnsson fyrir hið metnaðarfulla rit sitt, JÖKLAR Á ÍSLANDI, sem kom út seint á síðasta ári. Bókin hlaut fádæma góðar viðtökur og einróma lof enda fer saman fróðlegur og afar læsilegur texti og stórkostlegar myndir. Meðal annars valdi starfsfólk bókaverslana verkið sem besta fræðiritið 2009.
„Þessi bók á mikið erindi til allra Íslendinga, ekki síst hinna ferðaglöðu. Hún opnar augu allra sem hafa unun af að lesa í landið fyrir undrum náttúruaflanna. Þeir munu líta landið öðrum augum eftir lesturinn.“
Guðni Einarsson, Mbl.
|
|
| Nánar » |
|
|
 |
07.01.2010 |
| Saga Eddu Heiðrúnar |
| Eftirfarandi frétt birtist á baksíðu Morgunblaðsins 7. janúar eftri Kolbrúnu Bergþórsdóttur blaðamann og með ljósmynd Árna Sæbergs.
„ÞETTA verður skemmtileg, bjartsýn og mjög óhefðbundin ævisaga,“ segir Edda Heiðrún Backman en ævisaga hennar mun koma út hjá bókaforlaginu Opnu fyrir næstu jól. Skrifað var undir samning í gær á þrettánda degi jóla. Það er Bergþóra Jónsdóttir, blaðamaður á Morgunblaðinu, sem skráir sögu Eddu.
Á liðnum árum hafa bókaforlög margoft gert Eddu tilboð um skráningu ævisögu hennar en hún hafnaði þeim öllum. „Núna segi ég já vegna þess að ég fann réttu manneskjuna og svo hef ég núna góðan tíma til að sinna verkinu. Svo er það ekki alltaf þannig að maður taki sjálfur ákvörðun heldur taka ákvarðanirnar mann,“ segir Edda. |
|
| Nánar » |
|
|
 |
27.11.2009 |
| Stórvirki um íslensku jöklana |
| JÖKLAR Á ÍSLANDI er mikið rit byggt á áratuga rannsóknum Helga Björnssonar og samstarfsmanna hans við Háskóla Íslands og víðar. Bókin lýsir jöklum þessa lands og sambúð þjóðarinnar við þá frá upphafi byggðar til okkar daga, hvernig jöklar hafa mótað landið og eytt. Bókin segir sögu þekkingar¬öflunar og skilnings á jöklum frá því fyrst var farið að rannsaka þá fram til nútímarannsókna. Rakin eru spor löngu horfinna jökulbreiða, hulunni svipt af landinu undir jöklum Íslands og greint frá líklegri framtíð þeirra. |
|
| Nánar » |
|
|
 |
24.11.2009 |
| Kynlíf - heilbrigði ást og erótík eftir Jónu Ingibjörgu Jónsdóttur |
| Kynfræði er ung fræðigrein sem fæst við fjölbreytt viðfangsefni sem fylgt hafa mannkyninu frá örófi alda. Því er íslensk bók á þessu fræðasviði löngu tímabær þar sem rætt er um og útskýrð mismunandi málefni sem tengjast kynlífi. Til dæmis hafa vandamál í kynlífi fengið litla umfjöllun hér á landi, þótt Íslendingar hljóti að glíma við þau í sama mæli og aðrar þjóðir. Hér er fjallað um efnið á aðgengilegan hátt og höfundur miðlar óspart af eigin reynslu í kynlífsráðgjöf og rannsóknum |
|
| Nánar » |
|
|
|
|
|
