|
|
 |
Pétur Þorleifsson á forsíðu bókar sinnar, Fjöll á fróni |
13.07.2010 |
| Fjöllin lokka og laða |
| Nýverið sendi Opna frá sér glænýja bók, Fjöll á Fróni - gönguleiðir á 103 fjöll eftir Pétur Þorleifsson.
Pétur er frumkvöðull í fjallaferðum og miðlar dýrmætri reynslu sinni til þeirra sem hafa uppgötvað ánægjuna af að sigra fjallstinda – hversu háir sem þeir kunna að vera – og einnig til þeirra sem langar til að spreyta sig en hafa ekki lagt í hann enn. Með í för er greinargott kort sem sýnir gönguleiðina og hvaðan lagt er af stað, ýtarleg lýsing á leiðinni, hækkun og áætluð lengd göngunnar. Þegar upp er komið nýtur afburðaþekking Péturs á landinu sín vel þegar hann lýsir útsýninu sem blasir við og öllum helstu kennileitum. |
|
| Fjöll á Fróni er þriðja fjallabók Péturs Þorleifssonar, en hann er annar höfundur bókanna Fólk
á fjöllum og Íslensk fjöll. Í þessari bók fáum við að kynnast höfundi nánar í viðtali Páls Ásgeirs Ásgeirssonar þar sem Pétur kemur víða við í orðsins fyllstu merkingu og segir frá ferðum sínum bæði sumar og vetur, gangandi, hjólandi, akandi eða á skíðum – og hvernig hann kynntist landinu sínu.
„Pétur Þorleifsson er einn af orðlögðustu ferðagörpum sinnar tíðar.“ Páll Ásgeir Ásgeirsson.
Bókin er 248 bls.
Kortagerð: Fixlanda/Hans H. Hansen
Umbrot og hönnun: Björg Vilhjálmsdóttir/Bót
Prentvinnsla: Litróf
|
|
|
|
|
|
|
