|
|
 |
|
12.02.2010 |
| Heillandi heimur vatnslitanna |
| Út er komið hjá Bókaútgáfunni Opnu veglegt rit um vatnslitamálun á Íslandi. Bókin, sem gefin er út í samstarfi við Listasafn Reykjavíkur, ber heitið Blæbrigði vatnsins – Vatnslitir í íslenskri myndlist 1880-2009.
|
|
| Frá örófi alda hafa vatnslitir verið notaðir til listsköpunar og þeir eru stór hluti menningarsögunnar. Markmið bókarinnar er að draga fram einkenni þessarar aðferðar og sýna hvernig hún hefur breyst í tímans rás. Útkoman er falleg bók sem geymir eina stærstu úttekt sem gerð hefur verið á íslenskri vatnslitalist og spannar síðustu 130 ár.
Í bókinni fjallar Aðalsteinn Ingólfsson ítarlega um sögu vatnslitamálunar á Íslandi. Flestir okkar virtustu listamanna koma hér við sögu en alls eiga 60 myndlistarmenn verk í ritinu. Bókin sem er fagurlega myndskreytt veitir því góða sýn yfir þátt vatnslitamálunar í íslenskri myndlist. Samhliða útgáfu bókarinnar verður opnuð sýning á Kjarvalsstöðum með verkum listamannanna. Sýningin stendur frá 12.febrúar til 25.apríl 2010.
Bókin er 153 blaðsíður í stóru broti og prentuð í lit. Líba Ásgeirsdóttir hjá Næst sá um hönnun og bókarkápu. Prentsmiðjan Oddi prentaði.
Nánari upplýsingar veitir Sigurður Svavarsson útgefandi í símum 578 9080 og 660 2081.
|
|
|
|
|
|
|
